17. desember

Sá sjötti, Askasleikir,
var alveg dæmalaus. -
Hann fram undan rúmunum
rak sinn ljóta haus.

Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.

Núna styttist sko óðfluga í Sveinbjörn, Guðlaugu og Benjamín en þau koma öll einhverntíman á morgun :D. Það verður nóg að gera hjá okkur Davíð bæði í dag og á morgun en ég verð að læra eins og alltaf og Davíð þarf að taka til og þrífa eins og enginn sé morgundagurinn :S.

Prófið mitt er ekki á morgunheldur hinn og er planið að taka það bara snemma um morguninn og vera bara búin með það og þurfa ekki að hafa frekari áhyggjur af því.

Ég hef lesið samviskusamlega og glósað samviskusamlega núna í næstum tvær vikur þannig að ég ætla rétt að vona að ég sé að verða tilbúin fyrir þetta próf en ég er orðin ansi þreytt á þessum glósum ef ég á að segja alveg satt ;9.

Ég er alltaf að frjósa hérna heima en því miður stjórna ég því ekki hversu mikið er kynnt hérna og þar sem kælingin er svona hangandi út um gluggan eins og tíðkast í N.Y. þá er glugginn ekki eins þéttur og ég hefði viljað þannig að ég er að drepast úr kulda allan daginn :S. Það er sérstaklega slæmt þegar ég er ný búin að borða og allt blóðið fer í magan að reyna að melta matinn þá verð ég bara að leggjast undir sæng og vinna í því að hitna áður en ég get byrjað aftur að læra :S.

En nóg með það. Ég hef ekkert meira skemmtilegt að segja ykkur nema bara að það eru 7. dagar til jóla :D... YYYYYYESSSSSSSSSSSSSSS!!!!!!!!!!!

Knúsar og kossar, Guð veri með ykkur

Fjóla og co